Бұл кітаптағы оқиғалар — білім беру саласында жүр­ген қатардағы мұғалімдер мен ұстаздардың күн сайынғы атқарып жатқан қыруар жұмысының бір парасы ғана. Мұғалім мәртебесінің төмендігі де, жалақыларының аз­дығы да, бұл мамандыққа қоғам назарының жеткілікті дәрежеде болмауы да оларға кедергі емес, олар өздеріне міндеттелген жұмысты мейлінше сапалы атқарады, адам ретінде де жаны ауырады, алдарына келген әр баланың тағдырына араласып кете барады.